କୋଭିଡ୍-୧୯ : ଆପଣଙ୍କ ପାଟି ଭିତରେ ଏହି ଚିହ୍ନ ପଡ଼ିଛି କି ? କରୋନା ଲକ୍ଷଣ ହୋଇପାରେ ନୂଆଦିଲ୍ଲୀ :  ଥଣ୍ଡା –କାଶ , ଜ୍ୱର ଓ ନିଶ୍ୱାସ ନେବାରେ କଷ୍ଟ ହେବା କ...

କୋଭିଡ୍-୧୯ : ଆପଣଙ୍କ ପାଟି ଭିତରେ ଏହି ଚିହ୍ନ ପଡ଼ିଛି କି ? କରୋନା ଲକ୍ଷଣ ହୋଇପାରେ

ନୂଆଦିଲ୍ଲୀ :  ଥଣ୍ଡା –କାଶ , ଜ୍ୱର ଓ ନିଶ୍ୱାସ ନେବାରେ କଷ୍ଟ ହେବା କରୋନାର ପ୍ରାରମ୍ଭିକ  ଲକ୍ଷଣ ବୋଲି କୁହାଯାଏ । କିଛି ଅଧ୍ୟୟନରେ ଶରୀରରେ ଲାଲ୍‌  ସ୍ପଟ୍‌  ପଡ଼ିବା , ଘ୍ରାଣ ଶକ୍ତି ହ୍ରାସ ପାଇବା , ଭ୍ରମ ସ୍ଥିତି ବଢ଼ିବା, ଶୋଇବାରେ  ଯନ୍ତ୍ରଣା , ଥରିବା ଓ ବାନ୍ତି ହେବାକୁ ମଧ୍ୟ ସଂକ୍ରମଣର ଲକ୍ଷଣ ଭାବେ ଧରାଯାଇଛି ।

ଏବେ ସ୍ପେନ୍‌ରେ ହୋଇଥିବା  ଏକ ନୂଆ ଅଧ୍ୟୟନରୁ ଜଣାପଡ଼ିଛି  କି ପାଟି ଭିତରେ ଲାଲ୍‌ ରଙ୍ଗର ଦାଗ ପଡ଼ିବା ନଜର ଆସିବା ବ୍ୟକ୍ତିର ସାର୍ସ-କୋଭ୍‌-୨ ଭାଇରସ୍‌ର ଶିକାର ହେବାର ଇସାରା କରିଥାଏ । ମାଡ୍ରିଡ୍‌ ସ୍ଥିତ ରେମନ ୱାଇ କାଜଲ ୟୁନିଭର୍ସିଟି  ହସ୍ପିଟାଲର ଗବେଷକମାନେ ଜାଣିବାକୁ ପାଇଛନ୍ତି କି  କୋଭିଡ୍‌-୧୯ ସଂକ୍ରମଣରେ ଜଡି଼ତ ଯେଉଁ ରୋଗୀଙ୍କ ହାତ ପାଦରେ ଲାଲ ରଙ୍ଗ  ଦାଗ ପଡ଼ିବା ଦେଖାଯାଇଥିଲା , ଏଥି ମଧ୍ୟରୁ  ଏକ-ତୃତୀୟାଂଶ  ତାଳୁ ଓ ଜିଭର ତଳ ଅଂଶରେ ମଧ୍ୟ ଏମିତି ଚିହ୍ନ ଥିଲା । ଏହି ଚିହ୍ନ  ସଂକ୍ରମିତଙ୍କର ଭାଇରସ କବଳରେ ଆସିବା ଏ ଥଣ୍ଡା –କାଶ , ଜ୍ୱର ଓ କମ୍ଫ ଭଳି  ଲକ୍ଷଣ ଦେଖାଯିବାର ୨ ସପ୍ତାହ ପରେ ବାହାରି ଥାଏ ।

ଏହି ସ୍ଥିତିରେ କୌଣସି  ସଦିଗ୍ଧଙ୍କ ଠାରେ ସଂକ୍ରମଣର ପୁଷ୍ଟି ପାଇଁ ଡାକ୍ତରଙ୍କ ଦ୍ୱାରା ତାର ପାଟିକୁ ବି  ପରୀକ୍ଷା କରିବା ଉଚିତ୍‌। ଅଧ୍ୟୟନ  ସମୟର ଗବେଷକମାନେ ହାତ-ପାଦରେ ଲାଲ ରଙ୍ଗର ଚିହ୍ନ ଥିବା  ୨୧ ଜଣ ସଂକ୍ରମିତଙ୍କ ଠାରେ  ଥିବା ଅନ୍ୟ ଲକ୍ଷଣଙ୍କୁ ବିଶ୍ଳେଷଣ କରିଥିଲେ । ଏହି ସମୟରେ  ୭ଜଣ ରୋଗୀଙ୍କ ପାଟି ଭିତରେ  ମଧ୍ୟ ଛାଲ ଓ ଲାଲ୍‌ ଚିହ୍ନ ନଜର ଆସିଥିଲା ।