ରିୟା ଚକ୍ରବର୍ତ୍ତୀଙ୍କ ସପକ୍ଷରେ ବାହାରିଲେ ବଲିଉଡ୍‌ର ଅଭିନେତ୍ରୀ, ଶିବାନୀ ଦାଣ୍ଡେକର ।

ରିୟା ଚକ୍ରବର୍ତ୍ତୀଙ୍କ ସପକ୍ଷରେ ବାହାରିଲେ ବଲିଉଡ୍‌ର ଅଭିନେତ୍ରୀ, ଶିବାନୀ ଦାଣ୍ଡେକର। ବଲିଉଡ୍‌ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲା ଦିନକୁ ଦିନ ସଙ୍ଗ...

ରିୟା ଚକ୍ରବର୍ତ୍ତୀଙ୍କ ସପକ୍ଷରେ ବାହାରିଲେ ବଲିଉଡ୍‌ର ଅଭିନେତ୍ରୀ, ଶିବାନୀ ଦାଣ୍ଡେକର।

ବଲିଉଡ୍‌ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲା ଦିନକୁ ଦିନ ସଙ୍ଗୀନ ହେବାରେ ଲାଗିଛି । ସିବିଆଇ ମାମଲାର ତଦନ୍ତରେ ପୁରା ଲାଗିଯାଇଛି । ଏହି ମାମଲାରେ ଡ୍ରଗ୍ସ କନେକ୍ସନ ମଧ୍ୟ ସାମନାକୁ ଆସିଛି । ଆଉ ଏଥିରେ ମୁଖ୍ୟ ଅଭିଯୁକ୍ତ ରିୟା ଚକ୍ରବର୍ତ୍ତୀଙ୍କ ଉପରେ ବିଭିନ୍ନ ପ୍ରକାରର ଅଭିଯୋଗ ଲାଗିଛି । ଏବେ ସୁଶାନ୍ତ କେସ୍‌ରେ ରିୟା ଚକ୍ରବର୍ତ୍ତୀଙ୍କ ସପକ୍ଷରେ ବାହାରିଛନ୍ତି ବଲିଉଡ୍‌ ଅଭିନେତ୍ରୀ ।

ବଲିଉଡ..ଅଭିନେତ୍ରୀ ଶିବାନୀ ଦାଣ୍ଡେକର ରିୟାଙ୍କୁ ସପୋର୍ଟ କରି  ନିଜର ଇନଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ ଲେଖିଛନ୍ତି । ଶିବାନୀ ନିଜର ଇମୋସନାଲ  ପୋଷ୍ଟରେ ଲେଖିଛନ୍ତି ,  ମୁଁ ରିୟା ଚକ୍ରବର୍ତ୍ତୀଙ୍କୁ ସେବେ ଠାରୁ ଜାଣିଛି , ଯେବେ ସେ ୧୬ ବର୍ଷର ଥିଲେ । ଜୀବନ୍ତ , ଦୃଢ଼ ଓ ଏକ ଚମକପ୍ରଦ ଭଳି , ଯାହା ପୁରପୁରି ଜୀବନରେ ଭରି ଥିଲା ।

ମୁଁ ତାଙ୍କୁ ସପୋର୍ଟ କରୁଛି । ସେ ଓ ତାଙ୍କ ପରିବାର ଏବେ ସବୁଠୁ ବଡ଼ ସମସ୍ୟାରେ ଗତି କରୁଛନ୍ତି ।  ଆମେ ଦେଖୁଛୁ କି ମିଡ଼ିଆ ପୁରା ଇଗଲ ପରି ବ୍ୟବହାର କରୁଛି । ଯିଏକି ଏକ ଡାହାଣୀ ଶିକାରରେ ଅଛି ।  ଏକ ନିର୍ଦ୍ଦୋଷ ପରିବାରକୁ ଭାଙ୍ଗିବା ସହ ଗାଳି ଦିଆଯାଉଛି । ତାଙ୍କୁ ଯନ୍ତ୍ରଣା ଦିଆଯାଉଛି ।

ଶିବାନୀ ଦାଣ୍ଡେକର ପୁଣି କହିଛନ୍ତି , ତାଙ୍କର ମୌଳିକ ମାନବ ଅଧିକାରକୁ ଛଡ଼େଇ ନିଆଯାଇଛି । ମିଡ଼ିଆ ବିଚାରପତି , ଜୁରି ଓ ଜଲ୍ଲାଦର ଭୂମିକାରେ ନଜର ଆସୁଛି । ତାଙ୍କର ଦୋଷ କଣ । ସେ ଜଣେ ପୁଅକୁ ଭଲ ପାଇଥିଲେ । ତାଙ୍କର ଖରାପ ସମୟରେ ଯତ୍ନ ନେଉଥିଲେ । ନିଜର ଜୀବନକୁ ତାଙ୍କ ପାଇଁ ହୋଲ୍ଡରେ ରଖିଦେଲେ । ଆଉ ଯେବେ ସେ ନିଜ ଜୀବନ ନେଇଗଲେ , ସେତେବେଳେ ତାକୁ ସୁଳିରେ ଚଢ଼ାଇ ଦିଆଯାଉଛି  ।