ନାସା ବୈଜ୍ଞାନିକଙ୍କ ଦାବି, ଚନ୍ଦ୍ରରେ କଣ ଲାଗୁଛି? ଭାରତର ଚନ୍ଦ୍ରଯାନ-୧ରୁ ମିଳିଛି ପ୍ରମାଣ ଚନ୍ଦ୍ରରେ କଳଙ୍କ ଲାଗିଛି। କଥାଟା ଟିକେ ଅଡୁଆ ଲାଗିପାରେ। କାରଣ ସମସ୍ତେ ଜ...
ଚନ୍ଦ୍ରରେ କଳଙ୍କ ଲାଗିଛି। କଥାଟା ଟିକେ ଅଡୁଆ ଲାଗିପାରେ। କାରଣ ସମସ୍ତେ ଜାଣନ୍ତି ଯେ ଚନ୍ଦ୍ରପୃଷ୍ଠରେ ଅମ୍ଲଜାନ ନାହିଁ। ତେଣୁ ବିନା ଅମ୍ଲଜାନରେ ଆଇରନ ଅକ୍ସାଇନ ତିଆରି ହେବ ନାହିଁ । ତା’ହେଲେ ଚନ୍ଦ୍ରରେ କଳଙ୍କ ଲାଗିବ କେମିତି? କିନ୍ତୁ କଥାଟା ପୂରା ସତ । ଏବେ ଆମେରିକୀୟ ମହାକାଶ ଗବେଷଣା ସଂସ୍ଥା ନାସାର କିଛି ବୈଜ୍ଞାନିକ ଏପରି ଦାବି କରିଛନ୍ତି । ଭାରତ ଦ୍ୱାରା ଛଡାଯାଇଥିବା ଚନ୍ଦ୍ରଯାନ-୧ରୁ ଏସମ୍ପର୍କରେ ପ୍ରମାଣ ମିଳିଛି।
ନାସାର ବୈଜ୍ଞାନିକମାନେ କହିଛନ୍ତି ଯେ ଚନ୍ଦ୍ରଯାନ-୧ରୁ ଚନ୍ଦ୍ର ସମ୍ପର୍କରେ ଅନେକ ନୂଆ ତଥ୍ୟ ମିଳିଛି । ପ୍ରଥମ ଥର ପାଇଁ ସେଠାରେ ଜଳର ଉପସ୍ଥିତି ସମ୍ପର୍କରେ ଜଣାପଡିଛି । ସେହିପରି ଚନ୍ଦ୍ରଯାନ-୧ରେ ଲଗାଯାଇଥିବା ନାସାର ଏକ ଉପକରଣରୁ ସେଠାରେ ଥିବା ଧାତବ ପଦାର୍ଥରେ କଳଙ୍କି ଲାଗୁଥିବାର ଦେଖାଯାଇଛି । ସେଠାରେ ହେମାଟାଇଟ୍ ଥିବାର ଦେଖାଯାଇଥିଲା । ହେମାଟାଇଟ୍ ହେଉଛି ଆଇରନ ଅକ୍ସାଇଡର ଏକ ରୂପ । ଏହାକୁ କଳଙ୍କି ବୋଲି କୁହାଯାଏ । ଏହା କିନ୍ତୁ ବୈଜ୍ଞାନିକମାନଙ୍କୁ ଚକିତ କରିଦେଇଛି ।
No comments